Azərbaycanda hansı mobil platforma populyardır?

 

 
Azərbaycanda mobil əməliyyat sistemləri (ƏS) bazarında birinci yerdə “Android” platforması qərarlaşıb. “Global Stats” statistika mərkəzinin məlumatına əsasən, 2013-cü ilin may ayına olan vəziyyətə görə adıçəkilən əməliyyat sisteminin bazar payı 37,13% təşkil edib.

Qeyd edək ki, ötən ilin mayında bu göstərici 12,39% olub.
“ICTnews.az” elektron xəbər xidməti “1news.az” saytına istinadən bildirir ki, populyarlığa görə ikinci yerdə “Series 40” ƏS-i qərarlaşıb. Bu ilin mayında “Series 40” platformasının bazar payı 23,56% olub, bir il bundan əvvəl 20,18% təşkil edib. “SymbianOS” üçüncü yerdə qərarlaşıb. Sonuncu ƏS-nin payı 2012-ci ilin mayından 32,48% azalaraq 13,88% olub. 12,81% bazar payına malik “iOS” platforması dördüncü yerdə qərarlaşıb.

(c) ICTnews.az