Kompüter haqqında hər şey: excel

Показаны сообщения с ярлыком excel. Показать все сообщения

Exceldə siyahılar - sıralama, avtofiltr.

Müəllif Unknown Tarix 09:12 şərh yoxdur

Bu məqalədə siyahı tərtib etməyi və bu siyahı ilə işləməyi öyrənəcəyik. Siyahı dedikdə əvvəlində başlığı olan müxtəlif tip sahələr nəzərdə tutulur. Sadə dillə desək həyatda rast gəldiyimiz müxtəlif tipli məlumatları Exceldə siyahı şəklinə sala bilərik. Siyahı tərtib edərkən bir neçə qaydaya riayət etmək laızmdır.

1. Siyahının birinci sətrində başlıqlar qeyd olunmalıdır,,

2. Başlıqların formatı fərqlənməlidir,

3. Başlıqlar arasında boşluq olmamalıdır,

4. Başlıqdan aşağıda boşluq olmamalıdır,

5. Eyni sütunda eyni formatda məlumat olmalıdır,

6. Hər səhifədə bir siyahının olması məsləhətdir.

İdarənin işçiləri haqqında siyahı tərtib edək. Sizcə bu siyahıda hansı başlıqlar olar? Düzdür, Soyadı, adı, ünvanı, vəzifəsi və sair. Şəkildə gördüyünüz kimi:

Sual yarana bilər ki, niyə siyahıda eyni adlar çoxdur? Avtomatik Tamamlama (AutoComplete,Автозаполнения) başa salmaq üçün belə etmişəm. Əgər yazmaq istədiyin sözdən yuxarıda varsa Excel proqramı həmin sözü təklif edəcək, birinci hərfi yazdıqdan sonra Enter vursanız həmin söz damaya kopyalanacaq. Məsələn, bir dəfə Rüstəmli yazdınız, bir neçə damadan sonra yenə Rüstəmli yazmaq lazımdır, r hərfini vuranda damaya Rüstəmli soyadının necə gəldiyini görəcəksiniz, Enter vurmaqla bu söz damada qalacaq. Cədvəli tez hazırlamaq istəyirsinizsə bu üsulla eyni sözləri bir neçə dəfə təkrar etməklə yazın.

Hazırladığınız bu formaya cədvəl və ya siyahı deyə bilərsiniz. Müxtəlif tipli məlumatların cədvəl (siyahı) şəklində yığılması verilənlər bazasını (mə’lumat bazasını) yaradır. Verilənlər bazası terminalogiyasına görə bu cədvəlin sütunlarına sahə (field), sətirlərinə isə yazı (record) adı verilir.

Siyahıdakı məlumatları sıralamaq və fltrləmək olur. Bu işi görməzdən əvvəl aktivlik cədvəlin daxilində olmalıdır.

Siyahıların sıralanması (çeşidlənməsi).

Siyahının sıralanması dedikdə, tə’yin etdiyiniz sütunlardakı məlumatlar əsas götürülməklə yazıların sıralanması, yəni əlifba sırası ilə və ya rəqəmlərin ardıcıllığı ilə çeşidlənməsi başa düşülür. Yəni, təyin etdiyiniz sütundakı bütün sətirlər sıralanacaqdır. Bir sütuna və ya eyni anda bir neçə sütuna görə sıralama apara bilərsiniz. Məsələn, siyahını soyadlara görə sıralayıb, soyadı eyni olanları da öz aralarında adlara görə sıralaya bilərsiniz. Bir sütuna görə sıralamaq üçün həmin sütunun hər hansı damasını aktiv etmək və şəkildə göstərilən düyməni vurmaq lazımdır:

Birinci düymə hərfləri əlifbanın əvvəlindən sonuna kimi, rəqəmləri isə azdan çoxa doğru sıralayır, ikinci düymə əksinə sıralayır.

Bir neçə sütuna görə sıralamağın qaydasını aşağıda qeyd edirəm.

2003 versiyasında:

Data (Данные) menyusundan Sort (Сортировка) əmri seçilir və açılan dialoq pəncərəsində seçim aparılır.

Çeşidləmənin birinci hansı sütuna görə olmasını istəyirsinizsə, həmin sütun başlığını 1-ci siyahıdan seçin, ehtiyac varsa 2-ci və 3-cü başlıqlar da uyğun olaraq seçilir. Sağ tərəfdə 1-ci dairənin aktiv olması artan sıra ilə, 2-ci dairənin aktiv olması azalan sıra ilə sıralama deməkdir. Əgər cədvəldə başlıqlar qeyd etmisinizsə aşağıda 1-ci dairə, əks halda 2-ci dairə seçilməlidir. Sonda OK vurun.

2007 və 2010 versiyalarında:

1-ci şəkildə göstərilən düyməni vurduqda 2-ci şəkildə gördüyünüz pəncərə açılacaq və burada qaydaya əsasən istədiyiniz kimi çeşidləmə apara bilərsiniz. Excelin yuxarı versiyalarında istənilən sayda sütunla çeşidləmə aparmaq olar.

Növbəti dərslərədək.

Ardını oxu »

Excel proqramı ilə tanışlıq

Müəllif Unknown Tarix 22:23 1 şərh

Excel proqramı geniş imkanlı, böyük sahəli hesablama prosessorudur. Excelə elektron cədvəl də demək olar. Excel həm yeni başlayanların, həm peşəkarların, həm İT sahəsində çalışanların, həm qeyri sahənin adamlarının sevimli iş alətidir. Bu proqramda demək olar ki, hər iş mümkündür. İndi gəlin Excel ilə yaxından tanış olaq.

Əgər hazır Excel cədvəli üzərində işləyəcəksi

Ardını oxu »

VBA ilə Excel workbook-u worksheet-lərə ayırıb ayrılıqda saxlamaq

Müəllif Unknown Tarix 15:29 şərh yoxdur

Excel sənədimizin içində bir və ya bir neçə Sheet açaraq, onların içinə informasiya qeyd edə, müxtəlif əməliyyatlar apara və saxlaya bilərik. Bəzən Bir Excel kitabın içindəki Sheet-ləri ayrılıqda save etməli oluruq. Bu zəhlə tökən və uzun-uzadı bir işdir əgər Excel kitabımız və içindəki sheetlər çoxdursa. Bu dərslikdəki üsulla vaxtınıza və əsəbinizə qənaət edə biləcəksiniz .

Ardını oxu »

Exceldə illik kalendar hazırlam on PhotoPeach

Müəllif Unknown Tarix 23:16 şərh yoxdur

Salam dəyərli dostlar. Bu dərsdə sizə excel proqramında illik kalendar hazırlama qaydasını izah edəcəm. Ümid edirəm sizin üçün maraqlı bir iş olacaq :)
Əgər maraqlı olacaqsa, təşəkkür kimi bir şərh yazsaz yetər.
Hər birinizin fikri çox önəmlidir . Uğurlar hamıya...
------------------------------------------------------------------------------------

Ardını oxu »

Exceldə funksiyalar

Müəllif Unknown Tarix 11:41 şərh yoxdur

Funksiyalar çoxdur, bu məqalədə beşi haqqında danışacağıq. Ən çox istifadə olunan və sadə 5 funksiyanın adını Excelin yuxarı panelində görə bilərsiniz.

Ardını oxu »