Kompüter alarkən nələrə diqqət etmək lazımdır?

Heç kəs üçün sirr deyil ki, kompüterlər artıq həyatımızın bir hissəsinə çevrilib. Onların köməyi ilə biz işləyirik, əylənirik və ya ünsiyyət saxlayırıq. Kompüterləri məişət texnikası adlandırmaq olar, çünki bunlar müasir ailələrdə xüsusi yer tutur. Biznes, istehsal və digər insan həyatı ilə əlaqədar sahələr də bunlara daxildir. Ona görə də pulunuzu, vaxtınızı və əsəblərinizi qorumaq üçün kompüter seçiminə ciddi yanaşmalısınız.

İlk əvvəl biz gələcək kompüterimizi hansı məqsədlə alacağımızı dəqiqləşdirməliyik, çünki müasir kompüterlər oyun, ev və ofis kimi növlərə bölünür. Kompüter ucuz olduqca funksiyaları da az olur. Kompüter almamışdan qabaq maraqlı olmayan və təcrübəli mütəxəssisə müraciət etməyə dəyər. O sizə kompüteri müəyyən etməyə köməklik göstərəcək. Hətta əgər siz bü məsləhət üçün mütəxəssisə pul ödəsəniz belə o pullar alışdan sonra sizə geri qayıdacaq. Təcrübəli istifadəçilərin təcrübəsindən deyə bilərəm ki, mağazada yığılan kompüterlərdə keyfiyyət və qiymət hər zaman uyğun gəlmir, çünki hissələr çox vaxt daha artıq gəlir əldə etmək üçün mağazalar keyfiyyətsiz hissələrlə yığır.

Əgər siz kompüteri özünüz almaq istəyirsinizsə, onda aşağıdakı nüanslara diqqət yetirməlisiniz:

1. Kompüterin "beyni" prosessordur. O, məsələləri həll edir. Onun takt tezliyindən kompüterinizin sürəti asılı olacaq.

2. Əməli yaddaş prosessora təyin edilmiş məsələləri həll etmək üçün lazım olan məlumatların periodik saxlanılmasında istifadə olunur. Böyük "əməli" yaddaşla kompüter daha effektiv işləyir və bu əsasən eyni zamanda bir neçə proqram işlədərkən daha çox nəzərə çarpır.

Videokard kompüterə 2D-3D qrafik dəstəyi verir. Əgər siz müasir oyunlar oynayacaqsızsa və ya 3D qrafika yaradacaqsızsa, onda siz güclü prosessora, rəng keyfiyyətinə və yaddaşa malik videokard almalısınız.

Sərt yaddaş etibarlı, sürətli və həcmli olmalıdır. Sərt disk nə qədər yaxşıdırsa, o qədər də kompüter sizi daha yaxşı "başa düşür" və informasiyanı yadda saxlayır.

Ana platanın keyfiyyəti qiymətindən asılıdır. Əgər siz kompüterinizi getdikcə gücləndirəcəksinizsə, onda çoxlu slotlara malik ana plata alın. Onlar sizə yeni qurğuları inteqrasiya etməyə yardımçı olacaq.

Monitordan kompüter qarşısında gözlər yorulmadan nə qədər uzun müddət işləyəcəyiniz asılıdır. Ona görə əsasən monitorun texniki xarakteristikalarına fikir verin. Əsas seçimi orta göstəricilərə malik olanlarda saxlamalısınız.

Kompüter alarkən xatırlayın ki, hər gün kompüter bazarında yenilik təqdim olunur. Bir neçə ildən sonra sizin kompüter güclü hesab olunmayacaq, ona görə də ən yeni kompüteri almağa məcbur deyilsiniz. Ən yaxşısı ara-sıra kompüterinizi gücləndirməkdir. Bu sizi pulunuza qənaət etməyə və kompüteri sırf tələblərinizə uyğun "yığmağa" yardımçı olacaq.