"Google Glass"ın həqiqi dəyəri

«Google»nin gündəmdən düşməyən eynəyi haqqında yeni xəbərlər gəlməyə davam edir. Yayılan son məlumatlara görə çox baha qiymətə satışa təqdim olunması planlaşdırılan bu eynəyin dəyəri əslində çox ucuzdur.

Məhsulun bütün komponentlərini çıxaran və bunları ayrı-ayrı dəyərləndirən Teardown.com saytı Google Glass-ın ən bahalı detalının 20 dolları keçmədiyini açıqlayıb. Cəmdə 14 komponentdən ibarət olan eynəyin cəmi xərci isə təxminən 80 dollardır.

Bu aşağı dəyəri məhsulun son istifadə qiymətinin də aşağı ola biləcəyi mövzusundakı ehtimalları gücləndirir. Görək, Google Glass hansı dəyərdə texnologiya sevərlərin qarşısına çıxacaq.